Երեւանի ավագանիում «Ելք» դաշինքի խմբակցությունը պատրաստ է համագործակցել «Երկիր Ծիրանի» կուսակցության խմբակցության հետ, եթե նրանք վերցնեն մանդատները։ Այս մասին մայիսի 15-ին լրագրողների հետ հանդիպման ժամանակ ասել է «Ելք» դաշինքից ՀՀ 6-րդ գումարման Ազգային ժողովի պատգամավոր Էդմոն Մարուքյանը։
«Միթե Զարուհի Փոստանջյանը կվերցնի մանդատը։ Խորհրդարանական ընտրություններից հետո «Ելք» դաշինքին ուղղված նրա հայտարարությունն այն մասին էր, որ եթե դաշինքը վերցնի իր մանդատները, նշանակում է, այն վաճառվել է։ Եթե նա վերցնի Երեւանի ավագանու մանդատները, նշանակում է, նրա ասածը վերաբերում է հենց իրեն», - նշել է Մարուքյանը։
