7/51 ընտրական տեղամասում ավագանու ընտրությունների արդյունքների վերահաշվարկի արդյունքում ցնդող գրիչով քվեարկած քվեաթերթիկներ են հայտնաբերվել: Անվավեր ճանաչված քվեաթերթիկների մեծ մասը դատարկ է եղել, որը տարօրինակ է թվացել «Ելք» դաշինքի լիազոր անդամներին։ Ավագանու արդեն ընտրված անդամ Դավիթ Խաժակյանը նկատել է, որ դատարկ թերթիկների վրա նշումներ կան, որոնք կարծես առանց թանաքի գրիչով արված լինեն: Բացի այդ ընտրական տեղամասում «Ելք» դաշինքի օգտին քվեաթերթիկները 19 են եղել, սակայն, վերահաշվարկի արդյունքում քվեաթերթիկները դարձել են 18։ «Ելք» անդամները կարծում են , որ դա նույն գրիչով է եղել գրված, պարզապես ուշ է ցնդել:

Նշենք, որ այս ընտրատեղամասում քվեարկության է մասնակցել 566 մարդ։ Այս թիվը վերահաշվարկի արդյունքում հաստատվել է, սակայն, 7/51 ընտրատեղամասում անվավեր է ճանաչվել 148 քվեաթերթիկ, որոնց մեծ մասը դատարկ քվեաթերթիկներ էին։