Ֆրանսիան ու Գերմանիան դեմ են Սիրիայում ո ւ Իրաքում ԻՊ-ի դեմ պայքարում ՆԱՏՕ-ի դերակատարումը ընդլայնելու ամերիկյան ծրագրին, հայտնում է Reuters-ը։
Դաշինքի շատ մասնակիցներ հույս ունեն, որ այդ ծրագրի մասին կհայտարարվի Բրյուսելում մեկ շաբաթ հետո, երբ Թրամփը առաջին անգամ կայցելի ՆԱՏՕ-ի գագաթնաժողովը։ Սակայն Ֆրանսիան ու Գերմանիան մտավախություններ են հայտնում, ասում են քննարկումներին մասնակցող դաշնակիցները։
Անհանգստության հիմնական առիթներից է այն հավանականությունը, որ ՆԱՏՕ-ն կարող է Աֆղանստանի նման մեկ այլ թանկարժեք արշավի մեջ ներգրավվել, առաջացնել արաբական երկրների զայրույթը կամ էլ առճակատման մեջ մտնել Ռուսաստանի հետ՝ Սիրիայի պատճառով։ «Նրանք չեն գնա այդ քայլին»,- ասել է ՆԱՏՕ երկրների բարձրաստիճան եվոպական դիվանագետը, նշելով, որ այդ ծրագրին թերահավատորեն են տրամադրված նաեւ դաշինքի մյուս անդամները, այդ թվում Հունաստանն ու Իտալիան։ «Նրանք ուզում են իմանալ, թե հատկապես ինչ է փոխվելու։ ՆԱՏՕ-ի բոլոր 28 անդամները արդեն իսկ մասնակցում են ԻՊ-ի դեմ արշավին»,- ասել է դիվանագետը, նկատի ունենալով ԻՊ-ի դեմ ԱՄՆ-ի ղեկավարած կոալիցիան, որտեղ ներգրավված են նաեւ ՆԱՏՕ-ի բոլոր անդամները ։