Չի կարելի փոքր խմբակցություններին խորհրդարանական հանձնաժողովներից դուրս թողնել: Մայիս 19-ին՝ ԱԺ նիստոււմ այս մասին հայտարարեց Դաշնակցություն խմբակցության ղեկավար Արմեն Ռուստամյանը:

Նրա խոսքով՝ հաշվի առնելով, որ մեծանում են նոր խորհրդարանի վերահսկողական լիազորությունները, անհրաժեշտ է յուրաքանչյուր խմբակցությանը եթե ոչ նախագահական տեղեր, ապա գոնե բոլոր հանձնաժողովների աշխատանքին մասնակցելու հնարավորություն տալ: Ուստի մեկ խմբակցության պատգամավորները պետք է իրավունք ունենան աշխատելու մի քանի հանձնաժողովներում:

Նշենք, որ ՀՀԴ-ն ընդամենը 7 պատգամավոր ունի, իսկ լինելու է 9 խորհրդարանական մշտական հանձնաժողով: