Եվրոգոտու երկրների ֆինանսների նախարարները չեն կարողացել պայմանավորվել ոչ Հունաստանին նոր վարկ հատկացնելու, ոչ երկրի պարտքի մի մասը չեղարկելու շուրջ։ 8 ժամ տեւած բանակցություններից հետո Բրոյւսելում հանդիպումն ավարտվեց առանց կոնկրետ արդյունքների, հաղորդում է «Գերմանական ալիք»-ը։
Հանդիպման ժամանակ քննարկվել են նաեւ Հունաստանի իրականացրած բարեփոխումները՝ վարկատուների պահանջներին համապատասխանելու համար։ Նախօրեին Հունաստանի խորհրդարանը կոշտ տնտեսական միջոցների նոր փաթեթ է ընդունել։ Մասնավորապես, երկրում կենսաթոշակները կնվազեն 18 տոկոսով, իսկ ամենամյա եկամտի նվազագույն գումարը, որից հարկ չի գանձվում, 8636 եվրոյից հասցվել է 5681 եվրոյի։
Հանդիպման ժամանակ Գերմանիան դեմ է հանդես եկել Հունաստանին պարտքը չեղարկելու վերաբերյալ կոնկրետ խոստումներ տալուն, հաղորդում է AFP գործակալությունը։
Պարտքի հնարավոր չեղարկման վերաբերյալ բանակցությունները տեղի կունենան հունիսի կեսերին։ Հերթական տրանշի հատկացման որոշումը պետք է ընդունվի մինչ ամռան սկիզբ, նշում է Reuters գործակալությունը։