Microsoft-ը ներկայացրել է Surface Pro հիբրիդային նոութբուքի նոր տարբերակը, գրում է Engadget-ը, նշելով, որ դա սպասվող իրադարձություն էր, քանի որ Surface Pro հավաքածուն չէր թարմացվել 2015-ի վերջից։
Նոութբուքը, որի ամբողջական անվանումն է New Surface Pro (այլ ոչ թե Surface Pro 5, ինչպես կարելի էր ակնկալել ) ունենալու է թեթեւակիորեն թարմացված դիզայն, կլորավուն ծայրերով ու 12․3 դյույմանոց սենսորային դիսփյելով՝ PixelSense տեխնոլոգիայի աջակցությամբ ու 2736*1824 պիկսել թողունակությամբ։ Մոդիֆիկացիայից կախված՝ նոր նոութբուքը աշխատելու է Intel Core Kaby Lake m3, i5 կամ i7 հզոր պրոցեսորների բազայով։ Սարքի օպերատիվ հիշողության ծավալը կազմում է 4-16 գեգաբայթ, նոր Surface Pro-ն կշռում է 768- 784 գրամ։
Եվս մեկ զգալի փոփոխություն է նոութբուքի ավտոնոմ աշխատանքի տեւողության ավելացումը։ Surface Pro –ն ունակ է աշխատել 13 ու կես ժամ առանց լիցքավորման, մինչդեռ Surface Pro 4-ի մոտ այդ ցուցանիշը ընդամենը ինը ժամ էր կազմում։ Սարքը կունանա նաեւ Surface Pen, որը ունակ է ճանաչել սեղմումի 4096 աստիճան։