Հայաստանի բանկոմատները թղթադրամները ներկով կաղտոտեն կոտրելու փորձ կատարելիս: Մայիսի 24-ին ԿԲ-ում կայացած մամուլի ասուլիսի ժամանակ այս մասին հայտնեց ԿԲ Ֆինանսական համակարգի կարգավորման վարչության պետ Մհեր Աբրահամյանը:
Կենտրոնական բանկի վերջերս ընդունած որոշման համաձայն՝ Հայաստանի բոլոր բանկերը պետք է ունենան անվտանգության այս համակարգը՝ ի հավելումն ազդանշանային համակարգի եւ տեսանկարահանման: «Ներկը պետք է ցայտի բանկոմատը բացելու ցանկացած փորձի ժամանակ՝ լինի դա կոտրելու, պայթյունի կամ այլ միջոցով: Այսինքն՝ եթե չարագործին նույնիսկ հաջողվի փողին հասնել, դրանք անվճարունակ կդառնան»,- նշեց Աբրահամյանը: