Բանգլադեշում ապամոնտաժվում է հունական արդարության աստվածուհի Ֆեմիդայի արձանը, որը տեղադրված էր երկրի Գերագույն դատարանի շենքի առջեւ։ Արձանն ապամոնտաժվում է իսլամականների պահանջով։ Ցուցարարները պնդում են, թե Ֆեմիդան վիրավորում է իրենց կրոնական զգացմունքները, հաղորդում է BBC-ն։
Արձանի հեղինակն ասել է, որ համաձայնել է դրա ապամոնտաժմանը՝ հանուն խաղաղության։
Իսլամականների խմբերը պահանջում էին, որ Ֆեմիդայի արձանն ապամոնտաժեն մինչեւ մահմեդականների համար սրբազան Ռամադանը։
Նրանց կարծիքով՝ արձանը վիրավորում է մահմեդականների կրոնական զգացմունքները։ Արձանը մայրաքաղաք Դաքքայում զանգվածային բողոքի ակցիաների պատճառ էր դարձել։
