Ծովառյուծի հարձակումից հրաշքով փրկված մանկահասակ կանադուհին դեռ չի կարողանում ուշքի գալ ստացված վնասվածքներից։ Ջրի մեջ ընկնելուց նա ստացել է վնասվածք, որի մեջ բժիշկների խոսքով ծովառյուծի երախից ինֆեկցիա է մտել։ Այդ ինֆեկցիայի պատճառով կարող են տուժել աղջկա մատների հոդերը, ինչը կհանգեցնի մատների կորստի,հայտնում է Life-ը։

Բժիշկների խոսքով դրական ելքի հավանականությունը շատ քիչ է։

Ծովառյուծը աղջնակի վրա էր հարձակվել, երբ նա մոտեցել էր ափին։ Կենդանին անսպասելիորեն դուրս էր ցատկել ջրից, կծել աղջկան, հետո նրան իր հետ ջրի տակ տարել։ Երեխային փրկել էր ականատեսներից մեկը։