Համացանցում է հայտնվել 9-ամյա տղայի ձերբակալության հոլովակը, որը բարձրաձայն բանաստեղծություններ էր արտասանում Մոսկվայի Վոզդվիժենկա փողոցում, փոխանցում է Lenta-ն:
Հայտնի է դարձել, որ ոստիկանության աշխատակիցները ներողություն են խնդրել «Համլետ» արտասանող տղայի հորից, հայտնում է Republic-ը՝ վկայակոչելով փաստաբան Տատյանա Սոլոմոնովայի Twitter-ը, որը պաշտպանել է տղայի շահերը: Նա հավելել է, որ ձերբակալությունը կատարած ոստիկանների նկատմամբ ստուգում է նշանակվել: Վարչական իրավախախտումների օրենսգրքի «Անչափահասների ծնողների կողմից դաստիարակության պարատականությունների չկատարում» հոդվածով կազմված արձանագրությունը չեղյալ կհամարվի:
Նույն օրը՝ ավելի վաղ մանկական օմբուդսմեն Աննա Կուզնեցովան խոստացել է պարզել իրավիճակը, ինչի մասին գրել է Facebook-ի իր էջում:
Մայիսի 26-ին իրավապահ մարմիններում աղբյուրը նշել է Արբատի շրջանում 9-ամյա տղայի ձերբակալման մասին, որը փողոցում բանաստեղծություններ էր արտասանում: Ոստիկանությունից հաստատել են, որ բաժանմունք է բերվել երեխա, որը եղել է առանց ծնողների ուղեկցության: ՆԳՆ Կենտրոնական շրջանի ՆԳ վարչությունում այս փաստով ստուգում է նշանակվել:
