Ղազախստանում «Ալժիր» հուշահամալիրում խաչքարի բացմանը ներկա էին նաեւ երկրի իշխանությունները։ Այս մաիսն NEWS.am –ի թղթակցին հայտնել է հայկական համայնքի ղեկավար Սահակ Սալումյանը։
«Ալժիր»-ը Հայենիքի դավաճանների կանանց Ակմոլինյան ճամբարի կրճատ անվանումն է։ Ստալինի օրոք այնտեղ էին պահվում «ազգի թշնամիների» կանայք։ «Նրանց շարքերում եղել են նաեւ ազգությամբ հայեր, բայց իհարկե բոլորին էլ հիշատակն էլ թող լուսավորվի։ Ու մենք շատ ենք գնահատում, որ հուշարձանի բացմանը ոչ միայն մեր համայքն էր ներկա, այլեւ Ղազախստանի իշխանությունները»,- հայտնել է նա։
Ընդհանուր առմամբ, հավելել է նա, Ղազախստանի հայերը բարձր են գնահատում նախագահ Նուրսուլթան Նազարբաեւի աջակցությունը։ «Մեզ մոտ գործում են հայկական կիրակնօրյա դպրոցներ, մենք մշտապես մշակութային երեկույթներ ենք անցկացնում։ Հանրապետական ու տեղական իշխանությունները մշտապես գալիս ու աջակցում են մեզ։ Նույն վերաբերմունքն է նաեւ երկրի մյուս ազգային համայնքների նկատմամբ։ Իսկ դրանք մոտ չորս տասնյակ են կազմում»,- հավելել է նա։
