Գերմանիայից Ստամբուլ մեկնած Պոլսո հայոց պատրիարքի տեղապահ արք․ Գարեգին Բեքչյանը Ստամբուլում հանդիպել է հայկական հիմնադրամների նախագահների ու որոշ հայկական հասարակական կազմակերպությունների ներկայացուցիչների հետ։
Ինչպես տեղեկացնում է Ստամբուլի հայկական «Ակոս»-ը, արք Բեքչյանի եւ ստամբուլահայ համայնքի ներկայացուցիչների հանդիպումը տեղի է ունեցել Պոլսո հայոց պատրիարքարանում։
Հանդիպման ժամանակ քննարկվել է առաջիկայում Պոլսո հայոց պատրիարքարանում իրականացվելիք քայլերը։ Որոշում է կայացվել հունիսի 3-րդ շաբաթվա ընթացքում հայ համայնքի անդամների հետ ավելի լայնածավալ հանդիպում կազմակերպել։
Նշվել է, որ արք․ Բեքչյանը հունիսի 4-ին մեկնելու է Երեւան, որից հետո Գերմանիա, որտեղ կհանձնի իր պարտականությունները եւ Ստամբուլում կիրականցնի իր պարտականությունները։