Թուրքիայում «Մեդիայում ատելություն սերմանող հրապարակումների հետազոտության» նախագծի շրաջանակներում ներկայացվել է 2017–ի հունվար–ապրիլ հաշվետվությունը։
Ինչպես տեղեկացնում է Ստամբուլի հայկակակն «Ակոս»–ը, 2017–ի հունվար–ապրիլ ընկած ժամանակահատվածում թուրքական մամուլում տեղ է գտել էթնիկ կամ կրոնական խմբերին թիրախավորած 1876 հրապարակում։
Ատելություն սերմանող հրապարակումներում ամենաշատը հայերն են թիրախ դարձել՝ 439 հրապարակում։ 2–րդ տեղում Սիրիացիներն են՝ 433 հրապարակումով եւ հրեաները՝ 298 հրապարակումով։
Քրիստոնյաների դեմ ատելություն սերմանող 210, իսկ հույների դեմ՝ 198 հրապարակում է եղել տվյալ ժամանակահատվածում։
Հայերին դեմ ատելություն ու թշնամանք սերմանող հրապարակումներում հիմնականում անդրադարձել են Հայաստան–Ադրբեջան հակամարտությանը, ինչպես նաեւ հայերին ասոցացրել են քրդական PKK–ի ու ահաբեկչության հետ։
Հայերի հանդեպ ատելություն ու թշնամանք պարունակող պարբերականների մեջ առաջատարը ինչպես միշտ Yeni Akit–ն է, որին հաջորդում են Milli Gazete–ն, Yeni Soz Yeni Cag եւ Dırılıs Postası պարբերականները։