Հայաստանի Կառավարությունն ապացուցեց, որ հանրապետությունը կարող է հույսն իր վրա դնել։ Այժմ կարեւոր է այդ հավատը փոխանցել մարդկանց։ Այս մասին հունիսի 22-ին Ազգային ժողովում հայտարարեց ՀՅԴ խորհրդարանական խմբակցության ղեկակար Արմեն Ռուստամյանը՝ խոսելով 2017-2022 թվականների Կառավարության ծրագրի մասին։

Նրա խոսքով՝ արցախյան հակամարտության եւ հիմնականում փակ սահմանների ծանր պայմաններում Հայաստանը շարունակում է արդյունավետ տնտեսություն ունենալու նպատակով նոր ռեսուրսներ հայթայթել, որը ժողովրդի բարեկեցության եւ պաշտպանունակության հիմքն է։ Կառավարությունը հույսեր է կապում նաեւ սփյուռքի, նրա մասնագետների ու ձեռներեցների հետ, որոնց հետ կապը երկիրն ավելի մրցունակ կդարձնի։

«Արտաքին քաղաքականությունում պետք է նոր ջանքեր գործադրել մեր դաշնակիցների շրջանակն ընդլայնելու համար։ Պետք չէ մոռանալ նաեւ մեկ այլ կարեւորագույն խնդրի մասին՝ հետեւողականորեն հասնել Հայոց ցեղասպանության ճանաչմանը ավելի մեծ թվով երկրներում», - նշեց Ռուստամյանը։