Կառավարությունը ցանկանում է արտահանումն ավելացնել ՀՆԱ-ի մինչեւ 40-45 տոկոսով: Այս մասին նշված է կառավարության ծրագրում, որին հունիսի 22-ին ԱԺ-ն  հավանություն տվեց:

Դրանից զատ, առաջարվում է աղքատությունը կրճատել 12 տոկոսային կետով (հիմա մոտ 30 տոկոս է): Առաջարկվում է 5 տարում նվազագույն աշխատավարձը միայն 25 տոկոսով ավելացնել:

Առաջարկվում է մինչեւ 2020 թվականի վերջը ներդնել իրավաբանական իրավական օգնության ընթացակարգ:

Ծրագրվում է մինչեւ 2018 թվականի վերջը կառուցել երկրում առաջին խոշոր արեւային կայանը` 55 մՎտ հզորությամբ:

2017-2022 թվականներին կառաջակվի սահմանամերձ գյուղերի բնակիչներին արտոնյալ գյուղատնտեսական վարկեր տրամադրել: Մինչեւ 2017-ի վերջը ծրագրվում է տարեկան 5 տոկոսով մոտ 7 մլրդ դրամի (14,5 մլն դոլար) վարկեր տրամադրել:

Մինչեւ 2020-ի վերջը ծրագրվում է ընդլայնել թռիչքների աշխարհագրությունը, բանակցություններ վարել բյուջետային նոր ավիաընկերությունների հետ: Մինչեւ 2018-ի վերջը կառավարությունը կպատրաստի փոքր ավիացիայի զարգացման հիմքերը:

2017 – 2022 թվականներին ծրագրվում է զբոսաշրջիկների թիվը տարեկան մինչեւ 3 մլն-ի հասցնել: