Հայաստանում Ռուսաստանի ԱԴԾ Սահմանապահ վարչության Լենինականի սահմանպահ ջոկատը հունիսի 22-ին անցկացրել է պետական սահմանը պայմանական խախտողների որոնման ծավալուն մարզում:
Սահմանապահ վարչության մամուլի ծառայությունից հայտնում են, որ մարզումն անցկացվել է Հայաստանի ԱԱԾ սահմանապահ զորքերի «Աշոցք» սահմանպահ պարետատան համագործակցությամբ` ՌԴ ԶՈւ Հարավային ռազմական օկրուգի 102-րդ ռազմաբազայի ուժերի եւ միջոցների ներգրավմամբ:
Համատեղ ուսումնական գործողությունների ընթացքում հայ եւ ռուս զինծառայողները մշակել են պետական սահմանը պայմանական խախտողների որոնման կազմակերպման հարցերը, որոնք փորձում են Հայաստանի տարածքից Վրաստանի միջոցով Թուրքիա անցնել:
Չարամիտների որոնման համար կիրառվել են անօդաչու թռչող սարքեր, տարածքի վերահսկման ավտոմատացված համակարգեր եւ ծառայողական շներ:
Համակարգված գործողությունների եւ զինծառայողների բարձր պրոֆեսիոնալության շնորհիվ պետական սահմանը պայմանական խախտողները ձերբակալվել են:
Սահմանապահ վարչության ղեկավարությունը բարձր է գնահատում Հայաստանի Հանրապետության պետական սահմանի պահպանության եւ պաշտպանության հարցում համագործակցող կառույցների ցուցաբերած օգնությունը: