Միջազգային ՏՏ փորձագետ Միխայիլ Կաշկինը Երեւանում վարպետության դաս է անցկացրել, ներկայացնելով Python-ը՝ ծրագրավորման ամենատարածված լեզուներից մեկը։

Միխայիլ Կաշկինը ծրագրավորման այս լեզվով աշխատում է 16 տարի՝ համագործակցելով Google-ի եւ Fortune 500 ցուցակում ընդգրկված այլ ԱՄՆ առաջատար ընկերությունների, ինչպես նաեւ Եվրոպայի, ԱՄՆ-ի, Թաիլանդի, Ռուսաստանի, Հայաստանի եւ Ուկրաինայի պետական մարմինների հետ։

Monitis ընկերության ծրագրավորող Լեւոն Եղիազարյանի օգնությամբ նա հայ ծրագրավորողներին ծանոթացրել է Python-ի ստեղծման պատմության, այդ լեզվի հիմնական գործառույթների, կիրառության ոլորտների ու ձեւերի հետ։ Բացի Beeline-ի ներկայացուցիչներից վարպետության դասին մասնակցել են նաեւ Masys information systems, Ziltech, եւ Fifth ընկերությունների աշխատկիցները։

«Տեղեկատվական տեխնոլոգիաների ոլորտն այսօր աշխարհում առավել ակտիվ զարգացողներից մեկն է։ Այդ ոլորտի մասնագետների համար շատ կարեւոր է քայլել ժամանակին համընթաց, ետ չմնալ նոր միտումներից ու լուծումներից։ Դա կարեւոր է ոչ միայն իրենց մասնագիտական առաջընթացի, այլեւ Հայաստանի ընդհանուր զարգացման համար։ Հենց այս ոլորտին է Beeline-ն առանձնահատուկ ուշադրություն դարձնում, եւ առաջին հերթին՝ ծրագրավորողների ուսուցման հետ կապված հարցերին։ Վստահ եմ, որ այս վարպետության դասը հայ ծրագրավորողներին կոգեշնչի հասնելու նոր ձեռքբերումների եւ կօգնի մեր կյանքը փոխել դեպի լավը», - նշել է Հայաստանում Beeline-ի Գլխավոր տնօրեն Անդրեյ Պյատախինը:

Այսօրվա դրությամբ Python-ն աշխարհում ծրագրավորման պահանջված լեզուներից մեկն է։ Python-ի հեշտ ընթեռնելիության ու հզորության շնորհիվ այն լայնորեն կիրառվում է կայքերի, տվյալների վերլուծության եւ մեքենայական ուսուցման համար։