Անգլիայի 15 շրջաններում 27 բազմաբնակարան շենքեր չեն համապատասխանում հրդեհային անվտանգության պահանջներին։ Այդ շենքերի ֆասադները երեսպատված են դյուրավառ նյութով։ Այս մասին հաղորդում է BBC-ն՝ վկայակոչելով իշխանություններին։

Ավելի վաղ իշխանությունները Լոնդոնի Քադմեն շրջանում հինգ բնակելի աշտարակներում տարհանել են 650 բնակարանների բնակիչների։ Նման որոշում կայացվել է այդ շենքերի՝ հրդեհային անվտանգության պահանջներին չհամապատասխանելու պատճառով։

Պարզվել է, որ Քադմենում հինգ բազմահարկ շենքերի երեսպատումը նման է Գրենֆել Թաուերի երեսպատմանը, որտեղ հրդեհի հետեւանքով 79 մարդ է զոհվել։