2016 թվականին 17 միջազգային գործարար ցուցահանդեսների 551 հայկական ընկերություն է մասնակցել: Այս մասին ասված է 2016 թվականի Հայաստանի պետբյուջեի կատարողականի մասին հաշվետվությունում, որը քննարկվում է Ազգային ժողովի մշտական հանձնաժողովներում:
Արտերկրում Հայաստանի առեւտրային ներկայացուցչությունների ծախսերը կազմել են շուրջ 107 մլն դրամ: Հայաստանն առեւտրային ներկայացուցիչ ունի Ռուսաստանում, ԱՀԿ-ում (նստավայրը՝ Ժնեւ) եւ Եվրամիությունում (Բրյուսել):
2016 թվականին առեւտրային ներկայացուցչություն է բացվել նաեւ Չինաստանում, իսկ 2017-ին ներկայացուցիչ է նշանակվել: