Հնդկական Ապաթանի կամ Թանիս ցեղի կանայք շատ արտասովոր տեսք ունեն, որի համար պարտական են Արունաչալ-Փրադեշ նահանգի կենտրոնական մասում բնակվող այս ցեղի հին առասպելներին, գրում է Daily Mail-ը։
Ըստ առասպելի՝ այդ ցեղի կանայք շատ գեղեցիկ են համարվել ու մյուս ցեղերի տղամարդիկ նրանց հաճախ են առեւանգել։ Այդ ժամանակ ցեղի ավագանին որոշել է կանանց դեմքերին դաջվածքներ անել ու նրանց քթի մեջ հսկայական խցաններ դնել՝ նրանց նվազ գրավիչ դարձնելու նպատակով։ Ապաթանիի բոլոր կանայք վաղնջական ժամանակներից սկսած մանկուց ենթարկվում են այդ պրոցեդուրային։