ԿՀՎ նախկին գգործակալը Իտալիա կվերդառնա այս շաբաթ, որպեսի իր երեք տարվա ազատազրկումը կրի՝ 14 տարի առաջ Միլանում մուսուլման հոգեւորականի առեւանգմանը մասնակցելու համար, հայտնում է AP-ը։
Սաբրինա դե Սոուզան Իտալիա է ուղեւորվելու շաբաթվա վերջին։ Նրա խոսքով, հիմա նա գտնվում է ԱՄՆ-ում բուժման նպատակով։ Իտալական դատարանը վճռել է, որ Դե Սոուզան մասնակցել է որոշակի գործողությունների՝ ԱՄՆ հակաահաբեկչական ծրագրի շրջանակում, որը սկսվել է 2001-ի սեպտեմբերի 11-ի ահաբեկչությունից հետո։ Ծագումով պորտուգալացի ամերիկուհին կալանավորվել է Լիսաբոնի օդանավակայանում 2015-ին, բայց ազատ է արձակվել մարտին, երբ Իտալիան հրաժարվել է նրա արտահանձնման մասին իր պահանջից։
Իտալիայի նախագահը նրան մասնակի ներում է շնորհել, մեկ տարով կրճատելով դատավճիռը։ Բանտարկության փոխարեն նա կարող է հանրօգուտ աշխատանքների ձեւով կրել իր պատիժը։