Չինաստանի նախագահ Սի Ցզինպինը Հոնկոնգ է ժամանել՝ այն ՉԺՀ-ին վերադարձնելու 20-ամյակի կապակցությամբ: Reuters-ի փոխանցմամբ՝ Ցզինպինի այցի հետ կապված անվտանգության խստացված միջոցառումներ են ձեռնարկվել՝ կապված տոնակատարությունների, ինչպես նաեւ ակնկալվող բողոքի ակցիաների հետ:
Մեծ Բրիտանիան Հոնկոնգը Չինաստանի կառավարությանն է վերադարձրել 1997 թվականին՝ «մեկ երկիր, երկու համակարգ» բանաձեւով, որը լայն ինքնավարություն եւ անկախ դատական համակարգ է երաշխավորում:
Հոնկոնգի եւ Չինաստանի միջեւ լարվածությունն ուժեղացել է բրիտանական նախկին գաղութի գործերին Պեկինի աճող միջամտության պատճառով մտահոգության ֆոնին: