Կառավարությունը հունիսի 29-ի հերթական նիստի ժամանակ հաստատել է Բնապահպանության նախարարության բնության ու ընդերքի հարցերով տեսչական նորաստեղծ մարմնի կառավարման հարցերով խորհրդի աշխատանքային կարգը։ Որոշման նախագիծը ներկայացրել է բնապահպանության նախարար Արծվիկ Մինասյանը։
Բնության ու ընդերքի պահպանման հարցերով տեսչական մարմինը կոլեգիալ մարմին է։ Խորհուրդը տասը անդամից է կազմված։ Խորհրդի կազմում են Հայաստանի բնապահպանության նախարարը (փոխնախարարը), ենթակառուցվածքների ու բնական ռեսուրսների նախարարը (փոխնախարարը), Հայաստանի վարչապետի ներկայացուցիչը, Տնտեսական զարգացման ու ներդրումների նախարարության, Արդարադատության նախարարության, Ֆինանսների նախարարության մեկական ներկայացուցիչներ, բնապահպանության ոլորտում քաղաքացիների կամ սպառողների շահերը պաշտպանող ՀԿ-ի ներկայացուցիչ, բնական ռեսուրսների կամ ընդերքի օգտագործման ոլորտում գործունեություն իրականացնող բիզնես միավորումների ներկայացուցիչ ու երկուական ներկայացուցիչ բնապահպանության կամ ընդերքի ոլորտի գիտական կազմակերպություններից։
Խորհրդում նախագահելու է Հայաստանի բնապահպանության նախարարը (փոխնախարարը) կամ էներգետիկ ենթակառուցվածքների ու բնական ռեսուրսների նախարարը (փոխնախարարը) ռոտացիոն սկզբունքով, տարեկան մեկ անգամ։
