Հայաստանի եւ ՆԱՏՕ-ի հարաբերություններում չարժի անակնկալներ սպասել: Այս մասին հուլիսի 5-ին հայտարարեց Վրաստանում ՆԱՏՕ-ի գրասենյակի ղեկավարի տեղակալ Ռոսարիա Պուգլիսին` ելույթ ունենալով «ՆԱՏՕ-ն Վարշավայից Բրյուսել. Հայաստանի անվտանգության ոլորտի բարեփոխումները» թեմայով միջազգային գիտաժողովի ժամանակ:
Նրա խոսքով` Հայաստանը ՆԱՏՕ-ի համար հուսալի գործընկեր է: «Լինելով ՀԱՊԿ-ի անդամ երկիր` Հայաստանը ՆԱՏՕ-ի հետ արդյունավետորեն է համագործակցում: Մենք այստեղ ոչ մի հակասություն չենք տեսնում»,- ընդգծեց Պուգլիսին:
Ավելի վաղ NEWS.am-ի հետ զրույցում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապաթուրայը հայտարարել էր, որ Հայաստանը կարող է միաժամանակ լինել ՆԱՏՕ-ի հուսալի գործընկեր եւ ՀԱՊԿ-ի լիարժեք անդամ:
