Հայաստանի եւ Բելառուսի պաշտպանության նախարարությունների երկկողմ համագործակցության ծրագրի շրջանակում Երեւան է Բելառուսի ԶՈՒ ռազմաօդային ուժերի եւ ՀՕՊ զորքերի հրամանատարի տեղակալի գլխավորած պատվիրակությունը: Այս մասին տեղեկացնում է ՀՀ պաշտպանության նախարարության մամուլի ծառայությունը:
Աղբյուրի փոխանցմամբ՝ հանդիպումների ընթացքում նախատեսվում են երկկողմ քննարկումներ եւ այցելություններ Հայաստանի զինված ուժերի հակաօդային պաշտպանության զորամասեր:
Հայաստանում է նաեւ Բելառուսի զինված ուժերի գլխավոր շտաբի ռազմատեղագրական վարչության պետի գլխավորած աշխատանքային խումբը` երկկողմ համագործակցության ծրագրով նախատեսված քննարկումներին մասնակցելու նպատակով: