ՀԱՊԿ (Հավաքական անվտանգության պայմանագրի կազմակերպություն) գլխավոր քարտուղար Յուրի Խաչատուրովը հուլիսի 13-ին ելույթ կունենա ՌԴ պետդումայի ԱՊՀ հարցերով հանձնաժողովում։ Այս մասին չորեքշաբթի հայտնում է կազմակերպության կայքը։
«Հուլիսի 13-ին 14։00-ին ՀԱՊԿ գլխավոր քարտուղար Յուրի Խաչատուրովը ելույթ կունենա ՌԴ Դումայի Դաշնային ժողովի Անկախ պետությունների համագործակցության, Եվրասիական ինտեգրման եւ հայրենակիցների հետ կապերի հարցերով հանձնաժողովի նիստում»,- ասվում է հաղորդագրությունում։
Ելույթում կխոսվի ՀԱՊԿ-ի գործունեության առաջնահերթությունների եւ ՀԱՊԿ-ի խորհրդարանական վեհաժողովի նիստի նախապատրաստության մասին։
Հավաքական անվտանգության պայմանագրի կազմակերպությունը ստեղծվել է Հավաքական անվտանգության մասին պայմանագրի հիման վրա, որը 1992 թվականի մայիսի 15-ին ստորագրել են ԱՊՀ անդամ երկրները։ ՀԱՊԿ-ի անդամ երկրներն են Հայաստանը, Բելառուսը, Ղազախստանը, Ղրղզստանը, Ռուսաստանն ու Տաջիկստանը։