Հոնոլուլուի շրջանային դատավոր Դերիք Ուոթսոնը բավարարել է Հավայ նահանգի հայցադիմումը եւ որոշ անձանց բացառել ԱՄՆ նախագահ Դոնալդ Թրամփի միգրացիոն հրամանի ազդեցությունից, որը սահմանափակում է վեց արաբական երկրների քաղաքացիների մուտքը երկիր, հաղորդում է Reuters-ը։

Ուոթսոնի վճռի համաձայն՝ ԱՄՆ-ում տատիկի կամ պապիկի, թոռան կամ թոռնուհու, զարմիկի կամ զարմուհու առկայությունը բավարար պայման է երկիր մուտք գործելու համար։