ՀՀ նախագահ Սերժ Սարգսյանն այսօր՝ հուլիսի 15-ին, շնորհավորական ուղերձ է հղել Հայաստանի Հանրապետության վաստակավոր արտիստ, երգչուհի Հասմիկ Հացագործյանին ծննդյան 60-րդ տարեդարձի առթիվ՝ մաղթելով հոբելյարին քաջառողջություն, երջանիկ կյանք եւ ստեղծագործական նոր հաջողություններ:
«Դուք հայ օպերային արվեստի եւ դասական երգեցողության դպրոցի երեւելի ներկայացուցիչներից եք՝ արվեստասեր հանրության սերն ու ճանաչումը նվաճած արվեստագետ, որի անզուգական կատարումները մնայուն արժեքներ են մեր օպերային թատրոնի տարեգրության էջերում:
Դրվատանքի է արժանի նաեւ Ձեր մանկավարժական գործունեությունը, որի շնորհիվ կրթվում եւ դաստիարակվում են երիտասարդ արվեստագետների նոր սերունդներ»,-ասված է Հանրապետության նախագահի շնորհավորական ուղերձում:
