Հավաքական անվտանգության պայմանագրի կազմակերպության (ՀԱՊԿ) անդամ երկրների ԱԳ նախարարները հայտարարություն են ընդունել խորհրդային ազատարար զինվորների հիշատակի անարգման անթույլատրելիության մասին: Այս մասին հայտարարել է ՌԴ ԱԳ նախարարը կազմակերպության ԱԳ նախարարների խորհրդի (ԱԳՆԽ) նիստի արդյունքներով, փոխանցում է ՏԱՍՍ-ը:
«Մի քանի հարցերի քննարկման արդյունքում համատեղ հայտարարություններ են ընդունվել,- ասել է նախարարը: - Առաջինը, որը շատ կարեւոր է այն փաստի հանդեպ մեր վերաբերմունքի արտահայտման տեսակետից, որը փորձում են անել Եվրոպայի որոշ երկրներում, Համաշխարհային երկրորդ պատերազմի ժամանակների ազատարար զինվորների հիշատակի անարգման անթույլատրելիության մասին հայտարարությունն է»:
Երկրորդ հայտարարությունը վերաբերում է եւս մեկ շատ հրատապ թեմայի՝ միջազգային տեղեկատվական անվտանգությանը: «Հայտարարությունը հաստատում է մեր նպատակամղվածությունը, որ անվտանգությունն ամրապնդվի կիբերտարածքում»,- ասել է Լավրովը:
«Մենք նաեւ պայմանավորվել ենք արագացնել տեղեկատվական անվտանգության ամրապնդման թեմայով միջկառավարական համաձայնագրի աշխատանքը: Հույս ունենք, որ դա կլինի այն ջանքերի մեջ ավանդ, որոնք համընդհանուր հիմքով ձեռնարկում ենք նաեւ ՄԱԿ շրջանակում, որտեղ քննարկվում են գործընկերների հետ ներկայացրած մեր առաջարկները կիբերտարածքում պատասխանատու վարքագծի կանոնների համաձայնեցման հարցով»,- նշել ՌԴ ԱԳ նախարարը:
