News
Լրահոս
News
Չորեքշաբթի
Նոյեմբեր 22
Տեսնել լրահոսը

Ազգային Ժոողովի Արտաքին հարաբերությունների հանձնաժողովի նախագահ Արմեն Աշոտյանը հենց տեղում պատասխանել է Պետդումայի խոսնակ Վյաչեսլավ Վոլոդինի հայտարարությանը, որով վերջինս Հայաստանի իշխանություններին առաջարկել է  Ռուսաստանում հայկական վարորդական իրավունքների հարցը լուծելու համար ռուսերենին պաշտոնական լեզվի կարգավիճակ տալ: NEWS.am-ի հետ զրույցում Արմեն Աշոտյանը նշեց, որ ինքը Վոլոդինի ելույթից հետո պատասխան ելույթով է հանդես եկել եւ շեշտել, որ ռուսաց լեզվի սահմանադրական կարգավիճակի հարց Հայաստանի օրակագրում չկա եւ չի նախատեսվում:

«Այդ հայտարարությանը հայկական կողմը տեղում պատասխան է տվել: Ցավում եմ, որ ռուսական որոշ լրատվամիջոցներ հատվածական են ներկայացրել քննարկման բովանդակությունը: Այդ պահին Ռուսաստանի Պետդումայի ղեկավարի կողմից նման գաղափարի հնչեցման պարագայում պատասխան ելույթով հանդես եմ եկել ես եւ ընդգծել եմ, որ ռուսաց լեզվի սահմանադրական կարգավիճակի հարց Հայաստանի օրակագրում չկա եւ չի նախատեսվում»,-ասաց նա:

NEWS.am-ի ճշտող հարցին՝ ինչպե՞ս է գնահատում Վյաչեսլավ Վոլոդինի հայտարարությունը, Արմեն Աշոտյանը կոնկրետ պատասխան չտվեց՝ նշելով, որ իր ելույթում արդեն ասել է իր գնահատականը:

Ինչ վերաբերում է Ռուսաստանում հայկական վարորդական իրավունքների վավերական լինելուն, Արմեն Աշոտյանը նշեց, որ երկու երկրների խորհրդարանական պատվիրակությունները պայմանավորվել են Ռուսաստանում հայկական վարորդական իրավունքների ճանաչման հետ կապված քննարկումները շարունակել խորհրդարանական այլ ձեւաչափերով. մասնավորապես՝ խորհրդարանական լսումների միջոցով՝ փորձելով փնտրել խնդրի լուծման ամենաօպտիմալ տարբերակաները:

Հիշեցնենք, որ Պետդումայի խոսնակ Վյաչեսլավ Վոլոդինը Հայաստանի իշխանություններին առաջարկել էր ռուսերենին պաշտոնական լեզվի կարգավիճակ տալ, որպեսզի ազգային վարորդական իրավունքներն ընդունվեն Ռուսաստանում:

2017 թվականի հունիսի 1-ից Ռուսաստանում ուժի մեջ է մտել օտարերկրյա վարորդական իրավունք ունեցող վարորդներին ՌԴ-ի տարածքում աշխատելն արգելող օրենքը։ Իսկ ուրբաթ՝ հուլիսի 14-ին, Պետդուման օրենք է ընդունել, որի համաձայն՝ Ղրղզստանի, ինչպես նաեւ այլ երկրների քաղաքացիներին, որտեղ ռուսերենը պաշտոնական լեզու է, թույլատրվում է Ռուսաստանի տարածքում վարորդ աշխատել ազգային վարորդական իրավունքների հիման վրա։

!
Այս նյութը հասանելի է նաև   Türkçe
Տպել
Կարդացեք նաև
Ամբողջ
Հայաստանի ԱԳ նախարարի խոսքն ու պատասխանները Լավրովի հետ ասուլիսում (ամբողջական տեքստ)
Մեր երկկողմ համագործակցությանը լրացուցիչ խթան են հաղորդել մեր...
Այսօր հայ-ռուսական հարաբերությունները բնութագրվում են իրապես դաշնակցային. Սերժ Սարգսյանը՝ Լավրովին
Իրականում, չկա մարդկային գործունեության որեւէ ոլորտ, որում Ռուսաստանն ու Հայաստանը չունենան գործնական փոխգործակցության ոչ թե ձեւական, այլ իրական մեխանիզմ...
ՀՀ եւ ՌԴ ԱԳ նախարարները բացեցին դիվանագիտական հարաբերությունների հաստատման 25-ամյակին նվիրված ցուցահանդեսը (ֆոտո)
ՌԴ ԱԳ նախարար Սերգեյ Լավրովը ՀՀ ԱԳ նախարար Էդվարդ Նալբանդյանի հետ միասին նոյեմբերի 21-ին այցելեց Ազգային պատկերասրահ…
Հայ-ռուսական համագործակցության մեջ ներգրավված են միլիոնավոր մարդիկ. Սերժ Սարգսյանի ուղերձը (ֆոտո)
Նախագահի ողջույնի ուղերձը «Հայաստան-Ռուսաստան. բարեկամություն՝ կոփված դարերով» ցուցահանդեսի մասնակիցներին եւ հյուրերին...
Նալբանդյան. Սերգեյ Լավրովի այցը խորապես խորհրդանշական է
Սերգեյ Լավրովի պաշտոնական այցը խորապես խորհրդանշական է, քանի որ այս տարի նշվում են մի քանի նշանակալի տարեթվեր…
Լավրով. Հայաստանն ու Ռուսաստանը մեծացնում են ապրանքնաշրջանառությունը
Հայաստանի եւ Ռուսաստանի հարաբերություններն ունեն անկեղծ դաշնակցային եւ ռազմավարական գործընկերության բնույթ…
Ամենաշատ
Partner news