Հայաստանի կառավարությունը տիպային պայմանագրեր կկազմի ալմաստի երեսակման ընկերությունների համար: Այս մասին հուլիսի 18-ին՝ լրագրողների հետ հանդիպման ժամանակ հայտարարեց տնտեսական զարգացման եւ ներդրումների փոխնախարար Հովհաննես Ազիզյանը՝ մեկնաբանելով կառավարության 2018-2020 թվականների միջնաժամկետ ծախսերի ծրագիրը:
Նրա խոսքով՝ տիպային պայմանագրի նմուշ ունենալով՝ փոքր ընկերությունները ստիպված չեն լինի խոշոր մատակարարի հետ բանակցությունների համար ժամանակ եւ ջանքեր վատնել: Այժմ այսպիսի պայմանագիր կազմելու մասին բանակցություններ են վարվում ռուսական «Ալռոսա» կոնցեռնի եւ ալմաստի արդյունահանման այլ խոշոր ընկերությունների հետ:
Նշենք, որ ադամանդը Հայաստանի արտահանման խոշոր պարանքներից մեկն է (2016-ին 5-րդ արտահանվող ապրանքն էր՝ 104,7 մլն դոլարի): Երեսակման ալմաստը գնվում է արտասահմանից (խոշորագույն մատակարարը ռուսական «Ալռոսա» կոնցեռն է):