ԱՄՆ-ն ինձ թուրքական իշխանություններին չի հանձնի։ Այս մասին «ՌԻԱ Նովոստի»-ին տված հարցազրույցում ասել է թուրք ընդդիմադիր քարոզիչ Ֆեթուլլահ Գյուլենը, որին Անկարան մասնակից է համարում 2016 թվականին Թուրքիայում ձախողված հեղաշրջման փորձին։
«Չեմ կարծում, որ ԱՄՆ նախագահը՝ լինի նա հանրապետական, թե դեմոկրատ, ենթարկվի այդ անիմաստ պահանջին եւ աշխարհում ԱՄՆ-ի հեղինակությունը պիտակավորելու ռիսկին դիմի»,-հայտարարել է Գյուլենը։
Նա կարծում է, որ ամերիկյան իշխանությունները կպահպանեն համապատասխան իրավաբանական ընթացակարգը Թուրքիայի նախագահ Ռեջեփ Թայիփ Էրդողանի պահանջի հետ կապված՝ Միացյալ Նահանգներից իրեն արտահանձնելու շուրջ։
«Ես նաեւ ենթադրում եմ, որ իմ արտահանձնման՝ Էրդողանի կառավարության պահանջի հետ կապված, ԱՄՆ-ի կառավարությունը կպահպանի համապատասխան իրավաբանական ընթացակարգը։ Ինձ համար ես չեմ անհանգստանում»,-նշել է Ֆեթուլլահ Գյուլենը։
