ԱՄՆ փոխնախագահ Մայք Փենսը հաստատել է Իսրայելում ԱՄՆ դեսպանատունը Թել Ավիվից Երուսաղեմ տեղափոխելու երկրի նախագահ Դոնալդ Թրամփի մտադրությունը, հայտնում է CNN-ը:
«Ձեզ խոստանում եմ, որ կգա օրը, երբ նախագահ Դոնալդ Թրամփը ամերիկյան դեսպանատունը Թել Ավիվից Երուսաղեմ կտեղափոխի: Միայն ժամանակի խնդիր է»,- հայտարարել է Փենսը՝ ելույթ ունենալով Christians United for Israel գագաթնաժողովում:
Ելույթ ունենալով իսրայելամետ տրամադրվածությամբ քրիստոնեական լսարանի առջեւ՝ Փենսը նաեւ նշել է, որ ԱՄՆ-ն «մշտապես հանդես է գալիս հօգուտ Իսրայելի»: