Վոլգոգրադում հուլիսի 18-ին տեղի է ունեցել ՌԴ ներքին գործերի նախարարության եւ Հայաստանի ոստիկանության Միավորված կոլեգիայի նիստը, որին մասնակցել է Հայաստանի ոստիկանության պատվիրակությունը՝ ոստիկանության պետ, ոստիկանության գեներալ-գնդապետ Վլադիմիր Գասպարյանի գլխավորությամբ: Այս մասին NEWS.am-ը տեղեկանում է ՀՀ ոստիկանության մամուլի ծառայությունից:
Նիստում քննարկվել են կազմակերպված հանցավորության դեմ պայքարում Ռուսաստանի ՆԳ նախարարության եւ Հայաստանի ոստիկանության համագործակցության, օպերատիվ տեղեկատվության փոխանակման արդյունավետության բարձրացման հարցեր եւ Միավորված կոլեգիայի 2018 թվականի աշխատանքային պլանը:
Քննարկման արդյունքներով օրակարգի բոլոր հարցերի վերաբերյալ ընդունվել են որոշումներ ու ստորագրվել ամփոփիչ փաստաթղթեր:
