Facebook սոցցանցը մտադիր է գործարկել լրատվական ծառայություն, որի հիմքում վճարովի բաժանորդագրությունը կլինի, հայտնում է TheStreet պորտալը։

Պորտալի տեղեկություններով, ծառայությունը ստեղծվելու է արդեն գոյություն ունեցող «Արագ հոդվածներ» ֆունկցիայի հիմքով, որը թույլ է տալիս օգտատերերին տարբեր կայքերի ու թերթերի էլեկտրոնային տարբերակների նյութերը կարդալ իրենց լրատվական ժապավենում։

Սոցցանցի ներկայացուցիչ Քեմփբել Բրաունը Նյու Յորքում թվային հրատարակչությունների համաժողովի ժամանակ հայտնել է, որ Facebook-ն  ուզում է սահմանափակել նման հոդվածների դիտումը՝ օգտատերերին առաջարկելով հրատարակիչների կայքերի հղումներ, որպեսզի վճարովի բաժանորդագրություն իրականացնի։

Բրաունը նշել է, որ նման մոտեցումը կդառնա սոցցանցի արձագանքը հրատարակիչներին, որոնք կոչ են անում սոցցանցում անվճար լրատվական կոնտենտ չտեղադրել։ Ընդ որում ծրագրվում է սահմանել սահմանափակում՝ տրամադրելով միայն10 լուրերի անվճար ընթերցման հնարավորություն։

Պորտալի տեղեկություններով, նոր ֆունկցիայի փորձարկումը կսկսվի այս տարվա հոկտեմբերին։ Facebook–ի ներկայացուցիչները դեռ պաշտոնապես չեն մեկնաբանել այս տեղեկությունը։