Բելառուսում Մոգիլեւի մարզային դատարանն այսօր հրապարակել է, այսպես կոչված, սեւ ռիելթորների գործով դատավճիռը, որոնք մեղադրվում են 6 մարդու սպանության եւ եւս 3 մարդու սպանությունը նախապատրաստելու մեջ, փոխանցում է ԲԵԼՏԱ-ն:
Գլխավոր ֆիգուրանտ Իգոր Գերշանկովը եւ նրա հանցակից Սեմյոն Բերեժնոյը դատապարտվել են բարձրագույն պատժաչափի՝ գնդակահարության:
Իգոր Գերշանկովի կնոջը՝ Տատյանային, դատարանը դատապարտել է 24 տարվա ազատազրկման՝ ընդհանուր ռեժիմի գաղութում, Բորիս Կոլեսնիկովին՝ 22 տարվա, խիստ ռեժիմի գաղութում:
Հանցագործությունները կատարվել են 6 տարվա ընթացքում՝ 2009-ից մինչեւ 2015 թվականը: Զոհերին ընտրել են միայնակ քաղաքացիների շարքից, որոնք ալկոհոլը չարաշահել են: Օգտվելով մարդկանց նյութական ծանր վիճակից՝ ամբաստանյալները համոզել են եւ վաճառել նրանց բնակարանը, իսկ դրա փոխարեն խոստացել են օգնել նորը գնելու հարցում: Գործարքից հետո հաճախորդներին սպանել են եւ թաղել նախօրոք փորած գերեզմանափոսում:
