Հայ- ռուսական համատեղ բանակային խմբավորման ստեղծումը կողմերի հարաբերությունների ձեւավորման գործընթացն է ու պարզապես փոխգործակցության միջոց։ Այս մասին հուլիսի 21-ին լրագրողների հետ հանդիպման ժամանակ ասել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Քաաքագետը ճշգրտել է, որ հայկական բանակի կորպուսներից մեկը փոխգործակցելու է ռուսական ռազմական կոնտինգենտի հետ, որը Հայաստանում է գտնվում։ «Դա Հայաստանի ու Ռուսաստանի միջեւ ռազմական ոլորտում փոխգործակցության փաթեթի մի մասն է, որը ուղղված է թուրքական ուղղությամբ Հայաստանի անվտանգության ապահովմանն ու թույլ է տալիս հատկացնել ուժեր, որոնք կարող են անհրաժեշտ լինել քաղաքացիական անվտանգության այլ ուղղությունների ապահովման համար»,- պարզաբանել է Իսկանդարյանը։ Սակայն, փորձագետի խոսքով, հայկական ու ռուսական զինված ուժերի միջեւ նման փոխգործակցությունը նորություն չէ։
