Հուլիսի 20-ին ոստիկանության Կապանի բաժնում հաղորդում է ստացվել, որ հուլիսի 19-ին, ժամը 5.40-ին, «պոլիտրավմա, անգիտակից վիճակ» ախտորոշմամբ իրենց մոտ տեղափոխված «Օպել Զաֆիրա»-ի վարորդը՝ 1992 թ. ծնված Արծրուն Դավթյանը, նույն օրը, ժամը 20.00-ի սահմաններում, գիտակցության չգալով, մահացել է:
Ավելի վաղ Ոստիկանության լրատվական ծառայությունից տեղեկացրել էին, որ հուլիսի 19-ին, ժամը 5.30-ի սահմաններում, «Օպել Զաֆիրա» մակնիշի ավտոմեքենան Կապանի Հ. Ավետիսյան փողոցում կորցրել էր կառավարումը, դուրս եկել երթևեկելի գոտուց, բախվել աջակողմյան մայթեզրին, այնուհետև շարժվելով առաջ՝ բախվել էր ծառի և հրդեհվել:
Վարորդը մարմնական վնասվածքներով տեղափոխվել էր հիվանդանոց:
Քննությունը շարունակվում է:
