Վրաստանի մայրաքաղաքում սկսել են վաճառել չուրչխելայի եւ խվանչքարայի համերով պաղպաղակ, հայտնում են տեղական լրատվամիջոցները:
Ներկայումս Թբիլիսիում ջերմաստիճանը հասնում է 40 աստիճանի, հետեւաբար շոգից փրկվելու համար տեղացիները մեծ քանակությամբ պաղպաղակ են օգտագործում:
Չուրչխելան վրացական ազգային անուշեղեն է, որը պատրաստվում է խաղողի հյութից՝ ընկույզի ավելացմամբ, իսկ խվանչքարան վրացական կիսաքաղցր կարմիր գինի է:
