Եգիպտոսում 1952 թվականի հուլիսի 23-ի Հեղափոխության օրվա առիթով մոտ 600 մարդ է համաներվել:
Ավելի վաղ հատուկ հանձնաժողովները ստուգել են նախագահի համապատասխան հրամանի ներքո ընկնող բոլոր դատապարտյալների գործերը: Մոտ 500 եգիպտացիներ ազատվել են համաներման մասին հրամանի այն կետի համաձայն, որը կապված է պատժաժամկետի ավարտին մնացած աննշան ժամանակահատվածին: Եվս 103 մարդ պայմանական վաղաժամկետ է ազատվել եւ կգտնվի բնակության մշտական վայրերի ոստիկանության հսկողության ներքո:
Համաներումը չի տարածվում այն անձանց վրա, որոնք բանտային պատիժ են կրում քրեական ծանր հանցագործությունների կամ ահաբեկչական խմբավորումների գործունեության հետ կապված արարքների համար, փոխանցում է ՏԱՍՍ-ը:
