Հայաստանի ԱԻՆ-ում, հուլիսի 23-ին, ժամը 18:34-ին ահազանգ է ստացվել, որ Տաշիր-Լեռնահովիտ ավտոճանապարհին տեղի է ունեցել ավտովթար, ավտոմեքենայում կա արգելափակված քաղաքացի. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Տաշիր-Լեռնահովիտ ավտոճանապարհի 5-րդ կմ-ին Mitsubishi Pajero iO մակնիշի 34 VR 990 պետհամարանիշով ավտոմեքենան (վարորդ՝ 34-ամյա Ե. Մ.) դուրս է եկել ճանապարհի երթեւեկելի հատվածից եւ շրջվել:
Մինչ փրկարարների՝ կանչի վայր հասնելը վարորդը, ուղեւորներ՝ 67-ամյա Վ. Ա.-ն, 2-ամյա Տ. Մ.-ն տեղի ուժերով տեղափոխվել են Տաշիրի ԲԿ, որտեղ տուժածների առողջական վիճակը բժիշկները գնահատել են միջին ծանրության:
Փրկարարները հոսանքազրկել են ավտոմեքենան:
