77 տարեկանում մահացել է արձակագիր, կինոդրամատուրգ Ալեքսան Մեխակյանը:
Ալեքսան Մեխակյանն ավարտել է Երեւանի պետական համալսարանի բանասիրական ֆակուլտետի ժուռնալիստիկայի բաժինը, ապա՝ Մոսկվայի սցենարիստների եւ ռեժիսորների բարձրագույն դասընթացները։ Հեղինակել է մի շարք դրամաներ, սցենարներ՝ գեղարվեստական եւ դոկումենտալ ֆիլմերի համար։ Կատարել է նաեւ մի շարք գրքերի թարգմանություններ:
Մասնավորապես, նա հեղինակ է «Երազախաբ ավետարան», «Փոքրիկ սրնգահարի ոդիսականը», «Ապաստան» վեպերի: Թարգմանել է Ֆեոդոր Դոստոեւսկու, Լաքսնես Հալդորի ստեղծագործություններից:
Արժանացել է «Տարվա լավագույն արձակ» մրցանակի: