Գեղարքունի մարզում ձերբակալված անձանց պահման վայրից հուլիսի 27-ի երեկոյան կալանավորի փախուստի փաստի առթիվ քրգործ է հարուցվել:
NEWS.am-ին ՀՀ Քննչական կոմիտեից հայտնեցին, որ կալանավորի փախուստի փաստի առթիվ հարուցվել է քրեական գործ՝ ՀՀ քրեական օրենսգրքի 355-րդ (Փախուստն ազատազրկման վայրից, կալանավորվածներին պահելու վայրից կամ ձերբակալվածներին պահելու վայրից) և 315-րդ (Պաշտոնական անփութություն) հոդվածների 1-ին մասերով:
Կալանավորին հաջողվել է աննկատ դուրս գալ ՁՊՎ-ից՝ օգտվելով ծառայություն իրականացնողների անփութությունից:
Ավելի վաղ NEWS.am-ը հայտնել էր, որ կալանավոր 30-ամյա Ահարոն Ա.-ն մեղադրվում է ՀՀ քր.օր-ի 177 հոդվածի (գողություն) 2-րդ մասի հատկանիշներով:
