Հայկական 4u.am սթարթափը կանանց նվերների համար առցանց հարթակ կստեղծի: NEWS.am-ի թղթակցի հետ զրույցում սթարթափի թիմի ղեկավար Նարինե Հարությունյանը նշեց, որ 4u.am կայքում կարելի է կանանց համար նվեր ընտրել՝ ըստ կատեգորիաների: Իսկ եթե ամուսինը (որդին, եղբայրը, մտերիմը) խճճվի դրանում, կարող է օգտվել կայքի հուշող հարցերից:
Նվեր կարելի է մատուցել նույնիսկ անծանոթուհու: Կանայք կարող են կայքին ուղարկել իրենց ցանկությունները, որոնք տղամարդիկ կկարողանան տեսնել: «Եթե ինչ-որ մեկը ցանկանա հենց այնպես՝ առանց առիթի ինչ-որ մեկի համար հաճելի բան անել, սա լավ միջոց կլինի»,- նշեց Հարությունյանը:
Նվերների թվում կլինեն սահմանամերձ գյուղերից ազգային հուշանվերներ: «Այստեղ մեզ կօգնի «Հայրենիքի դարպասներ» ՀԿ-ն»,- հավելեց Հարությունյանը:
Նախագիծը ներկայացվել է հուլիսի վերջին Սեւանում անցկացված Sevan Startup Summit-ի ժամանակ:
