Թուրքիայի նախագահ Ռեջեփ Թայիփ Էրդողանը «դրես-կոդ» է սահմանել պետական հեղաշրջման փորձի գործով բոլոր մեղադրվողների համար: Այսուհետ, Էրդողանի կարգադրությամբ, բոլոր մեղադրյալները պետք է դարչնագույն հագուստ հագնեն: Ընդ որում, «դավադիրները» կոմբինեզոն են հագնելու, իսկ «ահաբեկիչները»՝ բաճկոն եւ տաբատ:
Էրդողանն առաջին անգամ «Գուանտանամոյի ոճով» մեղադրյալների հագուստի մասին խոսել է հեղաշրջման հուլիսյան փորձի տարելիցի ժամանակ: Դրանից մեկ օր առաջ մեղադրյալներից մեկը դատարանի դահլիճում հայտնվել է «հերոս» գրությամբ շապիկով: