Միլիարդատեր Ռոման Աբրամովիչը եւ Դարյա Ժուկովան որոշել են բաժանվել։ Page Six-ը հաղորդում է (New York Post պարբերականի հավելված), որ ամուսինները համատեղ հայտարարությամբ են հանդես եկել։
Զույգը, որը երկու երեխա է դաստիարակում, բաժանվելու մասին հայտարարել է երկուշաբթի, օգոստոսի 7-ին։ Աբրամովիչն ու Ժուկովան պնդում են, որ նման որոշման հանգել են խաղաղ ճանապարհով։
«Մեր համատեղ կյանքից 10 տարի անց երկուսով դժվարին որոշում կայացրեցինք (...), սակայն մենք մնում ենք մտերիմ ընկերներ, ծնողներ եւ գործընկերներ նախագծերում, որոնք միասին ենք զարգացրել»,- նշել են ամուսինները։