ԱՄՆ-ն Էստոնիայի ռազմաօդային ուժերին կնվիրեն երկու թեթեւ М-28 տրանսպորտային ինքնաթիռներ։ Այս մասին հաղորդում է ERR.ee կայքը՝ վկայակոչելով Էստոնիայի պաշտպանական ներդրումների կենտրոնի մամուլի ծառայությունը։

6 մլն դոլար արժողությամբ ինքնաթիռները կփոխանցվեն 2018 թվականին։ Պարբերականը հաղորդում է, որ ինքնաթիռներն արտադրվել են Լեհաստանում 2009 թվականին եւ չեն օգտագործվել։

Եվրոպայում օդային անվտանգության պահանջներին համապատասխան՝ դրանք կարգի բերելու, ինչպես նաեւ առաքման ծախսերը կհոգա էստոնական կողմը։