Ալժիրի մայրաքաղաքի հարավ–արեւմուտքում ուղղաթիռ է կործանվել։ Զոհվել են ուղղաթիռում գտնվող 4 անձինք, փոխանցում է «Սինհուա»–ն։ Bell 206 ուղղաթիռը կործանվել է գյուղում՝ մայրաքաղաքի հարավ–արեւմուտքում։
Ուղղաթիռը վարձակալվել էր նախնական գեոդեզիական աշխատանքների համար՝ երկաթուղու կառուցման նպատակով։ Ուղղաթիռում չորս մարդ է գտնվել՝ օդաչուն, տեխնիկը եւ երկու լուսանկարիչներ։
Հրշեջ ծառայության տվյալներով՝ կործանվելուց հետո ուղղաթիռը միանգամից հրկիզվել է։ Վթարի պատճառները պարզաբանվում են։