Ադրբեջանում կովի հետ դաժան վերաբերմունքի դեպք են հետաքննում: 1news.az-ին երկրի ՆԳՆ մամուլի ծառայությունում հայտնել են, որ դեպքը տեղի է ունեցել հունիսի վերջին Չախար գյուղում:
«Գյուղի բնակիչ Ատամօղլան Նուրիեւին պատկանող կովը կամրջից ընկել է կեղտաջրերի ջրատարը: Տերը որոշել է մաքրել գարշահոտ կենդանուն եւ իր ազգական Ֆարման Ազիմովի հետ նրան էքսկավատորի օգնությամբ մի քանի անգամ ջուրն է մտցրել: Կենդանին որեւէ ֆիզիկական վնասվածք չի ստացել: Կենդանուն կանխամտածված ծաղրելու մասին խոսք այստեղ չկա: Բայց դաժան վերաբերմունքի համար Ատամօղլան Նուրիեւն ու Ֆարման Ազիմովը տուգանվել են»,- ընդգծել են ՆԳՆ-ում:
