Իսրայելի ոստիկանության աշխատակիցներն այսօր մի շարք ֆինանսական հանցագործությունների մեղադրանքով ձերբակալել են հինգ հայտնի գործարարների։ Ավելի ուշ մի շարք հայտնի պարբերականներ նշել են, որ ձերբակալվածների թվում է նաեւ միլիարդատեր Բենի Շթայնմացը, հաղորդում է NEWSru.co.i-ը։l
Հետաքննությունը վարել է ԼԱՀԱՎ-433 ոստիկանական բաժանմունքը՝ ՀԴԲ-ի եւ Շվեյցարիայի ոստիկանության հետ համատեղ։
Իսրայելի ոստիկանության մամուլի ծառայությունը հաղորդում է, որ ձերբակալվածներին կասկածում են երկար ժամանակ կազմակերպված գործելու մեջ՝ արտասահմանում անշարժ գույքի ոլորտում գործարքների ու պայմանագրերի կեղծ տեղեկանքներ ներկայացնելով։ Կեղծ տվյալները նրանց թույլ են տվել փողեր լվանալ եւ խոշոր միջոցներ փոխանցել իրենց հաշիվներին։
Ոստիկանությունը կասկածում է, որ հանցավոր ցանցի յուրաքանչյուր մասնակից կոնկրետ հանձնարարություն է կատարել։
Մասնավորապես՝ խոսքը կաշառքի, փողեր լավնալու, փաստաթղթեր կեղծելու, կեղծ փաստաթղթերն օգտագործելու, խարդախութան եւ այլ իրավախախտումների մասին է։
Բենի Շթայնմացն ու ձերբակալված եւս երկու իսրայելցի գործարարներ կապված են ռումինացի խոշոր գործարարների հետ, որոնք ձերբակալվել են մի քանի օր առաջ՝ Ռումինիայում։